مناشدة امام انظار معالي وزير الداخلية امراة عراقية تستغيث من استفزاز ضابط شرطة
اليكم التفاصيل في مقطع الفيديو
تقول المرأة ……اني اختكم عراقية وأناشدكم وأناشد رئيس الوزراء وأناشد وزير الداخلية أناشد مسعود البرزاني
دخيلكم ودخيل الله اريدكم تخلصوني من مقدم سامان رمضان محمد مدير مكافحة أزادي بكركوك
وتضيف في حديثها
توقف ابني بالمكافحة مال كركوك وراجعنا علمود ابني اني وبناتي الايتام ….بنات عندي وانا امرأة صاحبة ايتام وزوجي شهيد هذا الضابط كام يساومني على عرضي ….يساومني على شرفي ….على شرف بناتي لو اخلي ابنج اذبه بالسجن وبعد ماتشوفيه لو تنطيني فلوس دفترين لو يساومني على عرضي
واني هسه حتى من بيتي هجيت من وراه رحت على بيت اهلي بغداد هاجه من وراه وبناتي عدهم مدارس ومن وراه اني هاجه يعني اني شسوي انطوني حل وياه ويخابرني ويهدد حتى على بيتي يجي وين اروح وين انطي وجهي اني صاحبة ايتام وين اروح يلا انطوني حل أناشدكم يا عالم أناشد رئيس الوزراء شوفلنا حل على سامان رمضان محمد المقدم سامان رمضان محمد مدير مكافحة ازادي بكركوك يعني اي واحد يصير مدير ويصير عنده رتبة يأذي العالم يساوم العالم مايصير هسه اني شسوي يلا كلولي مالي حل بس كلت اصور هاي المناشدة لان ماعرف شسوي ماعرف وين اروح .
